SPÁNAREIGNIR KYNNIR MEÐ STOLTI:
*EINSTÖK LÚXUSVILLA Á BESTA STAÐ VIÐ STRÖNDINA OG BÁTAHÖFNINA Í CABO ROIG* 

Allar upplýsingar gefa:
Aðalheiður Karlsdóttir, löggiltur fasteignasali. GSM 893 2495. [email protected] og
Karl Bernburg, viðskiptafræðingur. GSM 777 4277. [email protected].

Glæsileg eign með algjöra sérstöðu, einstaka hönnun og vel vandað til allra hluta. Teiknað af Marbella arkitektinum Enrique Ostropolsky Peril í samráði við eigendur og byggt af GEOSEM, traustum byggingaraðila, sem meðal annars hefur byggt mikið af glæsilegum eignum á Las Colinas svæðinu fyrir kröfuharða kaupendur.
Húsið er byggt 2009 og frágangi sundlaugasvæðis og lóðar lauk 2013. Einstakur gullmoli á besta stað.
Skemmtileg symmetría er í hönnun hússins og glæsilegur stigi upp á efri hæðina gefur húsinu tímalausan klassískan karakter.
Til að skoða húsið betur, smellið HÉR
 
Húsið er 345 fm, verandir 217 fm, eða samtals 562 byggðir fm. Auk þess fylgir húsinu rúmgóður 47 fm. bílskúr fyrir tvo bíla, þannig að samtals fm.eru 609. Stór sundlaug með tilbúinni strönd og tveimur innbyggðum jacuzzi með nuddi og fallegri lýsingu.
Lóðin er 1.400 fm. og eru 28 metrar í fremstu línu meðfram ströndinni og við bátahöfnina í Cabo Roig. Sundlaugin er í sjónlínu við sjóinn, sem gefur einstaka upplifun.
 
Fjögur svefnherbergi eru í húsinu, þrjú baðherbergi og ein gestasnyrting. Stór stofa og stórt eldhús, bókaherbergi/skrifstofa og stórt fataherbergi, sem auðveldlega mætti breyta í fimmta svefnherbergið.
 
Mikilfenglegt útsýni til sjávar, yfir bátahöfnina í Cabo Roig og til La Manga. Staðsetning hússins er án nokkurs vafa ein sú besta á allri Costa Blanca strandlengjunni.
 
Húsið er vel byggt og með öllum nútímaþægindum, góðri einangrun, bæði í veggjum og gluggum, gólfhita í öllum gólfum, air con með hitun og kælingu og sér hitastillingu fyrir hvert herbergi, sólarrafhlöðum, öryggiskerfi ofl.

SKIPULAG HÚSSINS:
Neðri hæð.
Tignarleg aðkoma er að húsinu, og er fyrst komið inn í mikilfenglegt hol með mikilli lofthæð og tvískiptum stiga upp á efri hæðina, sem gefur húsinu einstakan karakter. Strax og gengið er inn í holið, tekur húsið vel á móti manni og blasir við einstakt útsýni til sjávar. Stofan er stór með  fallegum arni og útgengi út á stóra verönd og góðri tengingu við garðinn og sundlaugarsvæðið.
Eldhúsið er mjög stórt og vel útbúið tækjum og fallegri innréttingu. Góð innrétting fyrir þvottavél og þurrkara og er renna af efri hæðinni niður í þvottarýmið, fyrir tau sem þarf að fara í þvott.
Úr eldhúsinu er útgengi út á veröndina framan við húsið, en einnig er hægt að ganga út úr eldhúsinu um hliðar hurð og þaðan á verönd sem tengist garðinum og nýtur notalegrar kvöldsólar og er með frábæra aðstöðu til að grilla úti. Á neðri hæðinni er líka rúmgott svefnherbergi með stóru sér baðherbergi og auk þess gestasnyrting og tvær geymslur.
 
Efri hæð:
Tvöfaldur marmarastigi er upp á efri hæð, einstaklega tilkomumikill og gefur húsinu aukinn glæsileika. Á efri hæðinni er mjög stór hjónasvíta með stóru og vel útbúnu baðherbergi og stóru fataherbergi, sem auðveldlega mætti breyta í fimmta svefnherbergið. Frá hjónasvítunni er gengið út á stóra verönd með glæsilegu útsýni yfir bátahöfnina í Cabo Roig og til sjávar.
Tvö svefnherbergi til viðbótar eru á efri hæðinni ásamt rúmgóðu baðherbergi. Stór verönd er meðfram allri sjávarhlið hússins.
 
ÚTISVÆÐI:
Öll lóðin er vel afgirt og aðgengi um rafmagnshlið. Falleg lýsing er í lóðinni. Fallegur gróður, ávaxtatré, plöntur og vel hirt grasflöt. Útisturta og góð eldunaraðstaða og BBQ svæði. Stór sólbaðsverönd við lóðarmörkin að ströndinni. Sjálfvirkur vökvunarbúnaður í garðinum.
Tvöfaldur bílskúr með rafdrifinni bílskúrshurð.
 
Örstutt göngufæri á veitingastaði og verslanir, og bátahöfnin rétt við lóðarmörkin. Stutt í La Zenia Boulevard verslanamiðstöðina. Góð tenging við alþjóðaflugvöllinn í Alicante, sem er í ca.50 mín akstursleið. Ótal góðir golfvellir eru á svæðinu, td. Las Colinas, Las Ramblas, Campoamor, Villamartin ofl.
 
Hér er án nokkurs vafa um að ræða eitt glæsilegasta einbýlishúsið á allri Costa Blanca ströndinni og staðsetningin er einstök. Húsið er byggt samkvæmt öllum nútímakröfum með öllum þægindum og var byggt af núverandi eigendum, sem hafa hugsað vel um húsið og er það í mjög góðu ástandi.

Húsið selst fullbúið vönduðum húsgögnum og öllum húsbúnaði. 
 
Einstaklega hlýlegur glæsileiki einkennir karakter og hönnun hússins, og umvefur um leið og komið er inn í húsið.
Það er okkur hjá SPÁNAREIGNUM mikill heiður að fá að kynna og selja þessa fallegu eign.

VERÐ:
Ásett verð á eigninni er 3.495.000 evrur (524.000.000 ISK, gengi 1Evra=150ISK)
Ofan á verðið leggst 10% skattur og ca. 3% stimpilgjöld og annar kostnaður við kaupin.

Sjá nánar um fasteignakaup á Spáni á heimasíðunni okkar www.spanareignir.is

Við höfum selt fasteignir á Spáni frá 2001. Tryggir þekkingu, öryggi og reynslu.

Eiginleikar: sér garður, einka sundlaug, air con, húsgögn, útsýni, strönd
Svæði: Costa Blanca, Cabo Roig,